الـ FaceTime هي خدمة مجانية يتميز بها جهاز الـ iPhone 4 لإجراء إتصال مرئي
او فيديو مباشر LIVE مع جهاز iPhone 4 آخر عبر شبكة الـ Wi-Fi الاسلكية حول العالم !
سواء كان مصدر الشبكة موديم , GO , WiMax , Brodband , DSL
هذه الميزة مخصصة فقط لإجهزة الـ iPhone 4 , وهي موجودة ضمن مواصفات الجهاز الأساسية
وغير متاحة للجيل السابق من أجهزة الآي فون مثل الـ iPhone 3GS , 3G , 2G
علماً ان خدمة الـ FaceTime قد تعمل على شبكة مزود الخدمة 3G
لكن بعد عمل جيلبريك للجهاز ، وتحميل برنامج My3G ، او 3G unrestricted من السيديا !
وهذا يتطلب الأشتراك في باقات الانترنت من مزود الخدمة
طبعا بعد الضجة اللى صاحبت انطلاق خدمة ال Facetime من شركة Apple فى جهازها الجديد ال Iphone 4 ,ونجاح الخدمة بشكل كبير خلاها تتوسع فى تقديم الخدمة على ال Ipod touch الجيل الرابع وانطلقت منها الى اجهزة الكمبيوتر بنظام ال Mac وكما ايضا من المتوقع بشكل كبير صدورها على ال Ipad الجديد اللى متوقع ان شاء الله غالبا قريبا جدا وكمان بعد ما اتفكت الخدمة على اجهزة ال 3GS ومتوقع ممكن تكون موجودة على اجهزة ال 3G كمان فانطلقت عدة مواقع مدعمة للخدمة ومحبة للخدمة
الخدمة باختصار طبعا هى عمل مكالمات الفيديو كول (Video calling ) من جهاز لاخر يكون مدعم للخدمة من اجهزة Apple والتى سبق ذكرها
اما بالنسبة للاشخاص التي تتسأل في ما الجديد اللى تقدمة الخدمة ؟؟ لأ هذة الخدمة موجودة فى اى هواتف 3g فى العالم
لا الجديد وبعد التجربة ان الخدمة باختصار بين اجهزة ال Apple مذهلة ،،، التجارب السابقة لم تكن بهذا النجاح ،، فى الاول الصورة لم تكن واضحة تماما نظرا لطبيعة شبكات الجيل الثالث بالاضافة الى ضعف الارسال والاستقبال وبالاضافة الي ذالك عدم وضوح الصورة تماما وفى الاخر عدم تطابق الصور مع الكلام وهذا كان اكثر عقبة فى الموضوع
اللى قدمته Apple هو اعادة احياء للخدمة بشكل ناجح ومبشر وبعد تجربة الخدمة الصورة مذهلة تبدو وكأنك تجلس مع من تتحدث اللية و وتراه بشكل ممتاز والتزامن ممتاز والكلام يصل مع الصورة فى نفس اللحظة مع مراعاة تزامن الصور والكلام كل هذا من اسباب نجاح الخدمة
ويمكن من اكبر اسباب نجاح الخدمة هو تضمنها لعدة اجهزة ليس من ضمنها التليفونات يعنى تخيل يكون معاك Ipod او لاب توب ممكن تعمل منه مكالمات لجهاز Iphone 4 وهو فى مكان تانى واكبر اسباب نجاح الخدمة انها مجانية تماما ،، فعلا الخدمة مجانية تماما حتى لو اتكلمت مع صاحبك او والدك فى امريكا لمدة 10 ساعات متواصلة
يعنى صورة وصوت افضل ،، تزامن افضل ،، وبدون فلوس خالص مجانية 100٪ وزى ما قلت اللى معاه تليفون تانى ومريحه ممكن بكل ببساطة يجيب IPOD TOUCH ويشغل عليه الخدمة
طبعا من الماخذ اللى كانت على Apple هو ان الخدمة لا تعمل الا بين اجهزة الماك وفقط فى نطاق ال Wifi ،، طبعا نطاق اجهزة الApple وده لضمان افضل اداء للخدمة والاحتفاظ بخصوصية ال Software المستخدم ،، اما انها مش ممكن تشتغل على ال3g ده اللى وضحه Steve Jobs فى المؤتمر اللى اتعمل وقال ان الخدمة لم تكن تعمل بالشكل الصحيح و المطلوب على شبكات ال 3G وفعلا بعد التجربة من طرفى لاحظت فشل كبير فى الخدمة وعدم تزامن الصوت والصورة وكانت تجربة فاشلة جدا
وحتى بعد تجربة البرامج البديلة زى Tango كانت الخدمة فاشلة بشكل كبير ،، اذن Apple نجحت فى استغلال موارد الجهاز لتقدم خدمة مذهلة بشكل كبير ويكفى انها مجانية والافضل انها لا تعمل بين الهاتف فقط ،، بل بين الهاتف او ال Ipod touch او اجهزة الكمبيوتر بنظام الماك
وطبعا حوربت الخدمة بشكل كبير من شركات الاتصاالات العربية ولا نعلم السبب هل لانها مجانية او هل لانها ستؤثر على على سوق مكالمات الفيديو عن طريق الشبكة ،، او لانها غير مراقبة لانها تمر عبر سيرفرات Apple سواء فى المملكة المتحدة او فى الولايات المتحدة الامريكية
ولكن طبعا بفضل المحترفين والمطورين نجحوا فى فك الخدمة على اجهزة الايفون المقفلة لتكون الخدمة موجودة عند كل الناس
